Ju ndoshta po mendoni se ta vësh një fëmijë të flejë herët është diçka e vështirë, por na duhet t’ju themi se edhe pse kjo duket kaq e vështirë ju nuk duhet të hiqni dorë. Fëmija juaj duhet të shkojë në shtrat herët.
Një studim Australian thekson se kjo gjë ka shumë përparësi, por përse kështu?
Studiuesit kanë vëzhguar rreth 10.000 familje dhe zakonet e tyre ne lidhje me gjumin. Përfundimet e këtyre studimeve u publikuan në revistën “Sleep magazine”. Kryesisht u ndoqën familjet që kishin fëmijë me moshë 4-5 vjeç si edhe 0-1 vjeç. Qëllimi ishte të vëzhgohej ambienti social, ekonomik dhe kulturor dhe mënyra si këto ndikonin në zhvillimin dhe shëndetin e fëmijës. U vëzhguan gjithashtu edhe shëndeti fizik dhe mendor i prindërve, gjithashtu edhe cilësia e jetës së tyre, niveli i zhvillimit të fëmijës etj. Gjithashtu u studiua edhe pesha trupore e fëmijës përgjatë gjithë jetës së tij.
Më pas studiuesit kanë pyetur familjet në lidhje me zakonet e gjumit dhe u nxorr përfundimi se ata që kishin një zakon që të shkonin në shtrat herët do të kishin një stil jetese më të mirë. Orari më i mirë do të ishte të fjeturit në 20:30 kryesisht për fëmijët. Edhe shëndeti mendor do të ishte më i mirë. Një faktor që ndikonte mjaft mirë në këtë zhvillim do të ishte edhe zgjimi herët në mëngjes.

Lexoni dhe: 3 mënyra për ta bërë më të lehtë zgjimin e fëmijës