Asnjeri nuk është i pagabueshëm,  madje edhe prindërit!

Por cilat janë 8 gabimet që prindërit bëjnë më shpesh gjatë vitit të parë të jetës?

• Futen në panik për gjithçka. Pse po vjell? Pse po defekon kaq rrallë/shpesh? Po ushqehet mjaftueshëm? Po qan më shumë/pak se bebet e tjera? Të gjitha këto i futin në panik prindërit.
• Ngatërrojnë refluksin me të vjellat. Refluksi shoqërohet me një sasi të caktuar ushqimi që del nga goja e fëmijës, të vjellat shfaqen edhe me një frekuencë të caktuar.
• Mendojnë në çdo moment se bebi ka temperaturë. Nuk duhet në asnjë mënyrë t’i jepni medikamente një foshnje me temperaturë nën 38 gradë.
• Neglizhojnë higjienën orale. Goja e fëmijës duhet të pastrohet me anën e një garze deri në vitin e parë të jetës dhe më pas me furce dhe pastë dhëmbësh.
• Injorojnë martesën e tyre. Të sjellësh në jetë një fëmijë nuk do të thotë të heqësh dorë nga jeta bashkëshortore.
• Grinden shumë para fëmijës. Edhe një fëmijë 3 muajsh e ndien situatën e rënduar në shtëpi. E keni vënë re sa i irrituar do të shfaqet fëmija nëse edhe ju jeni?
• Kërkojnë këshilla në vend të gabuar. Përveç mjekut tuaj duhet të keni kujdes me këshillat që merrni. Nëse jeni në mëdyshje në lidhje me diçka, mos e praktikoni tek fëmija juaj edhe nëse tek një fëmijë tjetër mund të ketë rezultuar efektiv.
• Mendojnë më të keqen sa herë fëmija qan. Në fakt bebet komunikojnë nëpërmjet saj. Pasi e keni ndërruar dhe ushqyer ai mund të vazhdojë të qajë, dhe kjo mund të ndodhë thjesht sepse do të rrij pranë jush.

Lexoni edhe: Viti i pare i jetes, rriteni dhe mesoni bashke me femijen