Kur Catherine dhe Alex Phipps sollën në jetë fëmijën e tyre të parë, shumë shpejt festimet dhe gëzimi u pasuan nga trishtimi. Nëntë ditë pas lindjes së djalit të tyre, pronari i shtëpisë ku jetonin me qira u tha se duhej të largoheshin, sepse për shkak të një përvoje të mëparshme me një çift me fëmijë, ai besonte se shtëpisë do t’i shkaktoheshin dëme që kërkonin shumë para për t’u rikuperuar.

Prindërit e rinj, të gjendur përballë disa emocioneve tërësisht të kundërta, nuk ishin as në dijeni të një rregulli të tillë. Në kontratë shkruhej se në shtëpi mund të jetonin dy fëmijë nën moshën 18 vjeç.

Edhe pse nuk ishte aspak e lehtë të largoheshin, ata zgjodhën të iknin që të mos ishin të detyruar të largoheshin me dhunë e forcë.

Nëna e re, duhej të përballonte fazën e rikuperimit pas lindjes, vizitat e shpeshta te mjeku, stresin e paketimit të rrobave e transportit të mobiljeve.

Megjithatë ata tashmë kanë gjetur një shtëpi të rehatshme, të përshtatshme dhe shumë më miqësore për të rritur të voglin e tyre.

Prandaj, për dy persona që vendosin të bëhen prindër është shumë e rëndësishme të zgjedhin mirë edhe vendin ku do të rrisin fëmijën e tyre.

Lexo edhe: Nena duke bere dush, i hapet plaga pas lindjes

Sorry, there are no polls available at the moment.