Si prindër të rinj, disa prej nesh presin që të kenë të njëjtën jetë seksuale që kanë pasur para lindjes së foshnjës. Në fund të fundit, kur mendoni sesa shumë gjumë sakrifikojnë prindërit e rinj, është plotësisht e kuptueshme nëse dëshironi të përdorni shtratin tuaj për pushim më shumë sesa për romancë.
Në javët e para pas lindjes, mbase seksi është ndoshta gjëja më e largët në mendjen e një nëne. Ju mund jeni të rraskapitura dhe trupi juaj ende nuk është rikthyer në formën e tij optimale. Se sa kohë një nënë pret apo duhet të presë para se të ketë marrëdhënie seksuale përsëri është plotësisht personale. Por në kundërshtim me klishetë e vjetra, të qënit prind nuk do të thotë se seksi është plotësisht i ndaluar.
Sa shpesh bëjnë nënat e reja seks pas lindjes së fëmijës?
Në fakt, një studim i ri zbuloi se gati 73% e nënave të reja e shijojnë seksin pas lindjes dhe pothuajse një e katërta e grave të anketuara thonë se cilësia e seksit të tyre pas lindjes është më mirë.
Anketa e 1,000 grave, të moshave 22-37 vjeç, zbuloi se lodhja është arsyeja numër një përse nënat e reja nuk bëjnë shumë seks dhe se 61% e tyre dëshirojnë të kenë më shumë marrëdhënie seksuale.
Një e katërta e nënave të anketuara bëjnë seks një herë në javë dhe gati 30% e tyre, 2-3 herë në javë. Gati 9% e tyre kryejnë marrëdhënie më shumë se tri herë në javë.
Për disa, tri herë në javë tingëllon perfekte. Për të tjerat, kjo mund të tingëllojë si shumë. Sondazhi gjithashtu zbuloi se 12.8% e nënave bëjnë seks një herë në muaj, dhe 13.3% edhe më rrallë, dhe kjo është krejtësisht në rregull.
Frekuenca e jetës seksuale të nënës së re varet nga kaq shumë faktorë. Pra, mos u ndjeni keq nëse nuk kryeni marrëdhënie seksuale aq shpesh sa gratë e anketuara. Për disa nëna, nevojitet më shumë kohë për t’u ndjerë përsëri gati për marrëdhënie seksuale dhe disa janë më të etura që të përjetojnë përsëri intimitetin seksual.
Më shumë se 61% e nënave të anketuara thanë se ishin të frikësuara ose nervoze pas lindjes së tyre të parë. Rreth 72% e këtyre nënave sqaruan se kishin frikë nga dhimbja.
Dhimbjet dhe seksi pas lindjes
Hulumtimet sugjerojnë se rreth 17-36% nëna raportojnë se përjetojnë dhimbje gjatë seksit deri në 6 muaj pas lindjes.
Ka tri arsye të përbashkëta për dhimbjet gjatë seksit pas lindjes:
- Nivelet e ulëta të estrogjenit në vaginë;
- Problemet me ndonjë plagë;
- Spazma e muskujve për shkak të një shtrëngimi pas shtrirjes së legenit.
Bisedoni me partnerin dhe veten
Nëse nuk shqetësoheni për dhimbjen, por keni arsye të tjera për të cilat nuk ndiheni gati të rifilloni aktivitetin seksual, duhet së pari të keni parasysh se seksi pas lindjes do të jetë ndryshe. Është e rëndësishme të flisni me partnerin për afatin kohor që ju duhet para se të kryeni marrëdhënie.
Duhet të bisedoni gjithashtu me veten, të pranoni trupin tuaj ashtu si ka ndryshuar. Nëse ndiheni nervoze, nuk ka asnjë problem të vazhdoni të prisni.
Lexo edhe: Seksi pas lindjes, disa te verteta
Për të lënë një koment ju duhet të jeni regjistruar Identifikohu