Ju keni kaluar orë të tëra për të përgatitur ushqimin e fëmijës por disa gabime të përgjithshme mund të çojnë në kequshyerjen e tyre.

1. Vendosni ju nëse fëmijën e ka marrë uria ose është ngopur

Shpesh prindërit e detyrojnë fëmijën ta mbarojë të gjithë pjatën edhe kur nuk i hahet. Kjo i shkakton stres fëmijëve dhe e bën ushqyerjen një eksperiencë të pakëndshme.

     2.I kërkoni fëmijëve të largohen nga kuzhina

Kuzhina shihet zakonisht si një vend i rrezikshëm nga i cili fëmijët duhet të qëndrojnë larg. Në fakt, ju duhet t’i merrni fëmijët në kuzhinë dhe t’i përfshini në proceset e gatimit.

3. Shqetësoheni për dietën tuaj në prani të fëmijëve

Ka një shans shumë të madh që fëmijët të imitojnë modelet e ushqyerjes së prindërve. Prandaj, tregoni kujdes të mos i shfaqni hapur preferenacat tuaja përpara fëmijëve.

4. Hiqni dorë shumë shpejt

Nëse fëmija e refuzon një ushqim kjo nuk do të thotë që nuk duhet t’ja ofroni kurrë më. Fëmija ka nevojë ta provojë disa herë derisa të mësohet me atë shije.

5. Insistoni që ushqimi të jetë pa yndyrë

Mos gatuani pa vaj sepse mendoni se është më e shëndetshme për fëmijët. Ata kanë nevojë edhe për yndyrë, vetëm se nuk duhet tejkaluar masa.

6. Zëvendësoni vaktet me ëmbëlsira dhe lëngje

Nëse e praktikoni këtë me fëmijët, do t’ju bëhet zakon dhe do të refuzojnë të hanë ushqim kur t’ja servirni.

Këshilla për prindërit

1. Ofroni sasi dhe llojshmëri ushqimesh të përshtatshme për grupmoshën e fëmijës.
2. Krijoni një rutinë të caktuar që të hani të gjithë si familje në tryezë.
3. Shmangni shqetësimet (TV, lodra apo libra) gjatë ngrënies.
4. Mbani fëmijën të mbështetur mirë në një karrige të lartë nëse janë deri në 3 vjeç, që të mos largohen nga tryeza gjatë ngrënies.
5. Inkurajojeni të ushqehet në mënyrë të pavarur.
6. Gjithmonë jepini një gatim të preferuar mes shumëllojshmërisë së ushqimit.
7. Prezantoni shpesh ushqime të reja.
8. Ndryshoni servirjen e ushqimit herë pas here për të shmangur përsëritjen.
9. Mbani një atmosferë të qetë dhe pozitive gjatë ngrënies.
10. Mos u zemëroni, përdorni kërcënime, dënime ose shpërblime lidhur me ngrënien.

Lexo edhe: Ushyqerja e femijes, 6 keshilla per ta bere sa me te shendetshme