Do të ishte më efektive të zëvendësonit fjalën “kontroll” me një sjellje tjetër ndërsa fëmija është në internet. Ndoshta 5 rregullat e mëposhtme do të rezultojnë të jenë më efektive se një kontroll i rreptë.

Si duhet të veproni?

• Përzgjedhja (filtrimi) prindërore. Ajo mund të vendoset me anën e një programi të posaçëm ose duke e vendosur kompjuterin në sallonin e shtëpisë tuaj. Ju duhet të kaloni edhe pak kohë bashkë me fëmijën në internet për të kuptuar ato çfarë e tërheqin fëmijën.
• E mësoni si të navigojë në internet. Zakonet e mira fitohen që në moshë të vogël. Fëmija duhet të orientohet nga ju drejt përdorimit të internetit në lidhje me leximin e kurioziteteve, shfrytëzimin e artikujve cilësorë të portaleve të besueshëm etj.
• E mësoni t’i mbajë gjërat e tij private. Ai duhet të dijë se ndarja e fotove dhe të dhënave personale me të gjithë është diçka e rrezikshme.
• Ai duhet të dijë se cilat foto nuk duhet të postojë në rrjetet sociale. Në kohët e sotme, kur të gjithë po bëhen përdorues të rrjeteve sociale, fëmija duhet të dijë se një foto provokuese, që ekspozon tepër trupin nuk duhet të publikohet.
• Mos jepni këshilla vetëm me fjalë. Një shembull i mirë është më tepër i rëndësishëm nga sa ju mendoni. Nëse ju e përdorni internetin vetëm për të “promovuar” jetën luksoze, apo veshjet tuaja, e përdorni për të marrë vesh të rejat e fundit nga fusha e modës apo VIP-ave atëherë të jeni të sigurt se edhe fëmija juaj nuk do ta përdorë atë për të bërë diçka me vlerë.