Në vitin e dytë, nga 12-24 muajsh, jeta e fëmijës suaj është e mbushur me suksese, sa epike po aq edhe dramatike.

Disa nga arritjet e fëmijës në këtë fazë:

1. Kërcimet e para

Lëvizjet e fëmijës në këtë moshë vijnë natryshëm sapo dëgjojnë tuinguj muzikor. Ata janë shumë të vegjël për të qenë të vetëdijshëm dhe duket se këto lëvizje janë tërësisht të natyrshme.

2. Bëhen të zotët për të shtyrë dhe tërhequr

Lojërat duke shtyrë dhe tërhequr janë shumë argëtuese për fëmijët e kësaj moshe, gjithashtu i mësojnë të ruajnë balancën dhe kontrollin.

3. Ulin dhe ngrejnë pantallonat

Kur t’i trajnoni të heqin bebelinat, fëmijët do të provojnë për herë të parë të heqin dhe veshin pantallonat.

4. Provojnë ushqime të reja

Zgjerimi i shumëllojshmërisë së ushqimeve kërkon kohë dhe këmbëngulje, por është gjëja më e mirë që mund të bëni që në moshë të vogël në mënyrë që fëmija juaj të mos bëhet tekanjoz në ngrënie.

5. Mësojnë të komunikojnë

Fëmijët fillimisht do të bëjnë shenja e më pas do të komunikojnë verbalisht dhe ndjesia që do të keni kur t’i shihni e dëgjoni për herë të parë do t’ju shoqërojë gjatë.

6. Hapat e parë

Ndoshta mund të mos jeni në shtëpi kur të ndodhë kjo arritje e madhe, por do të jetë një befasi e madhe për ju kur të shikoni fëmijën duke ecur drejt jush.

7. Ndjekja e drejtimeve

Fëmija do të kuptojë kur ju e udhëzoni të shkojë në një drejtim apo në një tjetër, të marrë një objekt, edhe nëse nuk do t’i ndjekë gjithmonë udhëzimet tuaja.

8. Kalimi nga biberoni në gotë

Fëmija do të mësojë të përdorë duart për të mbajtur vetë gotën ose filxhanin për të pirë ujë.

9. Prerja e parë e flokëve

Mund t’ja prisni vetëm pak ose plotësisht, ka shumë mënyra për të prerë flokët, por është një moment emocionues.

10. Emërtimi i pjesëve të trupit

Të vegjlit e kësaj moshe do të jenë në gjendje të thonë emrat e secilës pjesë të trupit.

11. Mësojnë të përdorin enët e kuzhinës

Kur të jenë rreth 18 muajsh fëmijët do të mund të mbajnë vetë pirunin dhe lugën, ose të paktën do përpiqen.

12. Imitojnë gjuhën tuaj të trupit

Mos u habisni ndonjë ditë kur të gjeni fëmijën duke bërë një veprim apo mimikë që bëni ju. Ata janë si sfungjer, thithin çfarë shikojnë.

13. Njohin format dhe ngjyrat

Fëmijët do të jenë në gjendje t’i dallojnë lodrat dhe objektet e tyre duke u përcaktuar ngjyrën dhe formën.

14. Luajtja me top

Për fëmijën do të jetë kënaqësi shumë e madhe të luajë duke rrokullisur një top.

15. Ngjitja e shkallëve

Për fëmijët, kjo është një fitore e madhe. Për prindërit, mund të jetë e tmerrshme, pasi fëmija duhet mbajtur nën kontroll të plotë, sepse kjo mund të jetë e rrezikshme.

16. Leximi i librave (pa u përpjekur për t’i ngrënë ato)

Librat me figura nxisin shumë imagjinatën e fëmijës suaj.

17. Përqafimi i parë i madh

Fëmijët do të jenë në gjendje t’ju shtrëngojnë e përqafojnë fort.

18. Larja në vaskë

Në këtë moshë fëmijët mund të lahen në të njëjtën vaskë si mami dhe babi.

19. Njohja e të afërmve

Fëmija juaj shpejt mëson të identifikojë ata që ndodhen në rrethin e tij më të afërt dhe personat që takon më shpesh.

20. Mbarimi i një akulloreje

Mund të dilni së bashku në park dhe të shijoni një akullore.

Lexo edhe: Kur humb arritjet e para te femijes…

')}