Historia e Valerios, 13 vjeç, është e pabesueshme. Ai donte të realizonte një ëndërr: të kalonte pushimet në Puglia. Me biçikletën e tij ai u largua nga shtëpia dhe u gjet vetëm pasi ai kishte udhëtuar 130 kilometra.

Historia e Valerios

Valerio është 13 vjeç dhe është nga provinca e Trentos, pikërisht nga Lavarone. Ëndrra e tij ishte të shihte detin: ai donte të arrinte në Puglia dhe të kalonte pushimet atje. Prandaj vendosi të largohej, duke organizuar gjithçka në detajet më të vogla. U largua gjatë natës kur babai nuk ishte në shtëpi, sepse punonte larg, dhe nëna ishte në gjumë.

Djaloshi kishte marrë me vete ujë dhe disa fruta. Ai kishte gjithashtu një atlas ku kishte shënuar rrugën dhe ndalesat që duhet të bënte. Valerio shkoi shumë larg shtëpisë me biçikletën e tij për të realizuar ëndrrën.

Ëndrra e Valerios

Ëndrra e Valerios ishte e madhe, por po ashtu edhe frika e prindërve të tij, të tmerruar nga mos kthimi i djalit. Agjencitë e zbatimit të ligjit u kontaktuan menjëherë dhe së bashku me vullnetarët dhe njerëzit që e njihnin atë, ata filluan kërkimet.

Gjithashtu dronë dhe helikopterë u përdorën për të kërkuar Valerion, i cili ndërkohë largohej gjithnjë e më shumë.

Në fund ishte autostrada që e tradhëtoi atë. Në fakt, sapo ai hyri në të, u vu re dhe policia u njoftua menjëherë.

“Doja të shihja detin”,- kështu u është përgjigjur të gjithëve që e kanë pyetur. Ai ishte i lodhur, por ende i vendosur të arrinte në Puglia.

Pas kësaj ngjarjeje, shumë kryebashkiakë dhe pronarë të objekteve të ndryshme turistike janë aktivizuar për të mirëpritur djalin.

Valerio më në fund do të jetë në gjendje të kalojë pushimet në Puglia, ashtu siç dëshironte.

Lexo edhe: Pasi debatoi me prinderit, 12-vjeçari iku fshehurazi ne Indonezi